Materi UTS 2 kl VIII

Persiapan UTS II Kelas VIII

Bahan:

-         Buku paket basa Jawa

-         Buku Tuntas basa Jawa

-         Buku catetan

1.        Perangane layang : adangiyah, bebuka, surasa basa, wasana basa, titi mangsa, peprenah, tapak asma

Adangiyah = alamat kang dituju

Bebuka = menehi kabar keslametan

Surasa basa= isining layang

Wasana basa= panutuping layang

Titi mangsa= tanggal,sasi, lan taune nalika nulis layang

Peprenah = kaprenah apa tumrap sing kokkirimi layang : ingkang putra, saking wayah

Tapak asma utawa tanda tangan.

2.       Bebasan

Yaiku unen-unen sing ajeg panganggone, isi surasa pepindhan tumrap kahanane wong.

Tuladha:

1. Emban cindhe emban siladan

    Tegese: pilih kasih

2. Idu didilat maneh

Tegese : janji wis dikandhake dijabel.

3.       Paribasan
Yaiku unen-unen sing ajeg panganggone,ateges apa anane.

Tuladha:

Katula-tula katali

=wong kang nandang susah terus-terusan.

4.       Saloka

Yaiku tetembungan kang ajeg panganggone,nanging sinamun ing upama utawa pepindhan.

Contone:

Cebol nggayuh lintang : duwe kekarepan sing mokal kalakone.

Endhas gundhul dikepeti : wis kepenak dikepenake.

5.       Unsur intrinsik ana ing cerkak yaiku

Irah-irahan : judul ( kanggo nggambarake isine cerkak).

Tema : dasare crita utawa idhe dasar crita.

Alur : reroncen kadadean-kadadean ing crita.

Paraga : tokoh crita utawa tokoh sing dicritakake.

Latar : papan,wektu,lan swasana ing crita.

Watake paraga : sipat-sipat sing diduweni paraga.

Amanat : pesen utawa piwulang kang dikandhut crita.

Sudut pandang : posisine pangripta ing crita, dadi pengamat ing njaba crita utawa dadi paraga ing njerone crita.

6.       Ukara Lamba

Uga diarani ukara ganep. Tegese ukara kang nduweni jejer lan wasesa ganep.

Tuladha :  Marjana turu

7.       Ukara Camboran

Ukara camboran ing basa Indonesia kasebut kalimat majemuk. Yaiku ukara loro dirangkep dadi  siji.

Tuladha:

 Asmali dolanan neker, dene Astuti dolanan boneka.

8.       Jinise Panambang lan Tegese

1.       Panambang a-:

a.              Akon                    : tangia ( akon supaya tangi )

b.              Sanajan                                :  pintera ( sanajan pinter )

c.               Ngarep-arep      : udana ( ngarep-arep supaya udan ).

2. Panambang –e

a.              Pandarbe ( milik ) : omahe ( omah darbeke )

3. Panambang –en

a.              Nandhang           : beleken ( nandhang lara belek)

b.         Akon                     : jupuken ( akon supaya jupuk )

4. Panambang –an

a.     Piranti                   : garisan ( piranti kanggo nggaris )

b.    Panggonan         : sekolahan ( panggonan kanggo sekolah )

c.     Sing                        : panganan ( sing dipangan )

d.    Nganggo              : sarungan ( nganggo sarung )

5. Panambang –ana

Tegese akon nindakake : saponana ( akon nindakake nyapu )

9.       Tembung Rangkep

10.   Yaiku tembung sing dirangkep utawa dibaleni wandane utawa amung sebagian wandane ( suku kata).

Jinising tembung rangkep:

1. Dwilingga (sing dirangkep linggane )

Contone : omah-omah,mlaku-mlaku

2. Dwilingga salin swara ( sing dirangkep linggane/kata dasar,nanging swarane owah/malih).

Contone : mloka-mlaku,mongan-mangan.

3. Dwipurwa (sing dibaleni wanda ngarep=purwane).

Contone : tuku-tutuku=tetuku,

4. Dwiwasana ( sing dibaleni wanda mburi=wasana)

Contone : cekikik,jegeges,cekakak,celuluk.

Wangsulana pitakon-pitakon ing ngisor iki kanthi patitis !

1.       Sebutna sing kudu digatekake nalika nindakake pacelathon !

2.       Gawea tuladha ukara tandhuk lan ukara tanggap ( 2 wae )!

3.       Sebutna kang kudu digatekake nalika nulis lapuran !

4.       Sebutna format/ isine laporan kunjungan ing sawijining papan !

5.       Tulisen nganggo aksara Jawa !

a.       Dalan rame

b.      Pados laron

c.       Suwidak papat

d.      Wonten dompet

e.      Panganan apa sing paling kok senengi

f.        Ingkang kula remeni  inggih punika arem-arem kaliyan sambel goring kenthang.

“Samubarang gegayuhan mbutuhake perjuangan”